चरनक्षेत्र जोगाउन चिउरी रोप्दै

meropati
Spread the love

रत्ननगर । मौरीको चरनक्षेत्र जोगाउन मौरीपालक किसानहरूले चिउरीका विरुवा रोप्न शुरू गरेका छन् ।
भण्डारास्थित मौरीपालन विकास कार्यालयले उत्पादन गरेको विरुवा विभिन्न जिल्लाका किसानले लगेर रोपेको कार्यालय प्रमुख शिव रिजालले जानकारी दिनुभयो ।

उहाँका अनुसार भण्डाराबाट अहिलेसम्म किसानले ३४ हजार चिउरीका विरुवा लगिसकेका छन् । किसानले दाङमा १० हजार चितवनमा पाँच हजार, मकवानपुरमा पाँच हजार, रौतहटमा तीन हजार, सर्लाहीमा पाँच हजार, बाँकेमा दुई हजार ५००, भक्तपुरमा तीन हजार विरुवा वितरण भएको कार्यालयकोे तथ्यांकमा उल्लेख छ ।
रुपन्देहीलगायत विभिन्न जिल्लाका किसानले छुट्टाछुट्टै रुपमा ५० हजार १०० चिउरीका विरुवा लगेर रोपको कार्यालयका प्राविधिक सहायक बाबुराम पन्तले बताउनुभयो ।



मह उत्पादनका लागि चिउरीको रस महत्वपूर्ण मानिन्छ । चिउरीको मह औषधिको रुपमा समेत प्रयोग हुने भएकाले उभोक्ताले बढी मन पराउँछन् । पछिल्लो समयमा मौरीको चरनक्षेत्र नास हुँदै गएकाले चरनक्षेत्र जोगाउन यसरी चिउरी रोप्न थालिएको सम्बद्ध किसानले बताए । राज्यले नै नीति ल्याएर चरनक्षेत्र जोगाउनुपर्ने उनीहरुको धारणा थियो ।
अधिकांश मौरीपालक किसानले स्थानीय पहाडी क्षेत्रका सामुदायिक वनसँग सहकार्य गरेर चिउरीका विरुवा रोपेको नेपाल मौरीपालक महासंघका केन्द्रीय अध्यक्ष शिवप्रसाद पौडेलले जानकारी दिनुभयो ।
चितवनको चेपाङ गाउँ सिद्धिको बटौली सामुदायिक वनलगायत क्षेत्रमा मौरीपालक किसानको सहभागितामा वृक्षारोपण भइसकेको उहाँको भनाइ थियो। सो वृक्षारोपणमा चेपाङको समेत सहभागिता थियो ।

नेपाल मौरीपालक संघ चितवन शाखाका अध्यक्ष रोशन पण्डितले पछिल्लो समयमा खेतीबालीमा बढ्दो विषादीका कारण मौरीको चरन प्रभावित भएको र उचित संरक्षण नहुँदा प्राकृतिकरुपमा रहेका चरन क्षेत्रसमेत घट्दो क्रममा रहेको बताउनुभयो ।

 

2 thoughts on “चरनक्षेत्र जोगाउन चिउरी रोप्दै

  1. This is the right site for everyone who hopes to find out about this topic.
    You understand so much its almost hard to argue with you (not that I personally will
    need to…HaHa). You certainly put a new spin on a subject that has been written about for decades.
    Great stuff, just excellent!

  2. Simply wish to say your article is as surprising.
    The clearness on your put up is just cool and that i can think you’re knowledgeable on this subject.
    Well with your permission allow me to grasp your RSS feed to stay updated with forthcoming post.

    Thank you 1,000,000 and please keep up the rewarding work.

Leave a Reply

Your email address will not be published.

%d bloggers like this: