मेस्सीको निर्णायक गोलमा बार्सिलोना स्पेनिस ला लिगाको शीर्ष स्थानमा

meropati

काठमाडौं, १६ मंसिर । एट्लेटीको मड्रिडलाई हराउँदै बार्सिलोनाले स्पेनिस ला लिगाा शीर्ष स्थान बनाएको छ ।आइतबार राति भएको खेलमा बार्सिलोनाले एट्लेटीको मड्रिडलाई १–० ले हरायो । बार्सिलोनाको जितमा लियोनल मेस्सीको एक मात्र गोल निर्णायक बन्यो ।

निर्धारित ९० मिनेट सकिन चार मिनेट बाँकी रहँदा बार्सिलोना कप्तान मेस्सीले पेनाल्टी बक्सबाट बललाई जालीको दिशा देखाएका थिए ।



त्यसअघि बार्सिलोनाका गोलकिपर मार्क आन्द्रे टेर स्टेगेनले दुईवटा उत्कृष्ट बचाउ गरेका थिए । जसका कारणले गर्दा मारियो हर्मोसो र अल्भारो मोराटाले गोल गर्ने सुन्दर मौका गुमाएका थिए ।

मेस्सीले ला लिगामा १० खेल खेल्दा आफ्नो गोल संख्या ११ पुर्‍याएका छन् । १४ खेल खेलेको बार्सिलोनाको ३१ अंक रहेको छ । समान ३१ अंक रहेको रियल मड्रिड गोल अन्तरका आधारमा तालिकाको दोस्रो स्थानमा रहेको छ ।

ला लिगा अन्तर्गत नै आइतबार राति सेभियाले लेगानेसलाई १–० ले, एथ्लेटिको बिल्बाओले ग्रानाडालाई २–० ले, ओसासुनाले स्पान्योललाई ४–२ र गेटाफेले लेभान्टेलाई ४–० ले पराजित गरे ।

Leave a Reply

Your email address will not be published. Required fields are marked *

%d bloggers like this: