मनाेरञ्जन

घरजम को राजधानी बिग मूभिजमा बिहीबार प्रिमियर

काठमाडौं, २० मंसिर । फिल्म ‘घरजम’को प्रिमियर गरिएको छ । कमलपोखरीस्थित बिग मूभिजमा बिहीबार आयोजित प्रिमियर कलाकार, पत्रकार तथा अन्य ब्यक्तिहरुको समेत उपस्थिती रहेको थियो ।

चलचित्र विकास बोर्डका अध्यक्ष केशव भट्टराई, चलचित्र निर्देशक समाजका अध्यक्ष सुचित्रा श्रेष्ठ, आदिवासी चलचित्र महासंघका अध्यक्ष अमृता सुनुवार लगायत प्रिमिएरमा अतिथिका रुपमा रहेका थिए ।


advertisement

मौसम ईम्बुङ लिम्बुद्वारा निर्र्देशित चलचित्र ‘घरजम’को यस अघि पुर्वमा प्रिमियर शो गरिएको थियो । राजधानीमा भने पहिलो पटक शो गरिएको हो ।

‘घरजम’ हेरेपछि दर्शकले सकरात्मक प्रतिक्रिया दिएका थिए । ‘फिल्म धेरै राम्रो बनेको रहेछ’ गायक दिवश पयाँगूले भने, ‘कल्चरल भनिएपनि व्यवसायी फिल्म भन्दा कम छैन ।’

प्रिमियरपछि व्यवस्थापक तथा फिल्म प्रदर्शन संयोजक शैलेन्द्र थेबेले राजधानीका दर्शकले पनि ‘घरजम’ रुचाएको बताए ।

‘घरजम’मा पुर्वी नेपालको लिम्बू सदमुदाय तथा त्यहाँको जनजीवनलाई जस्तको तस्तै समेटिएको छ । चलचित्रमा सिर्जना सुब्बा, बुद्धि तामाङ, यासेली योङहाङ, शैलेन्द्र थेबे, कुशल थलङ, सुष्मा खेवा लिम्बू, किशोर पन्धाक, सीता तुम्बापो पन्धाक, हेमराज अन्छङ्बो, बबिता फोम्बो, इशिका जबेगु, जीवन भट्टराई, भरतमणि पौडेललगायतको मुख्य अभिनय रहेको छ ।

रोमियो फिल्मस् प्रालिको ब्यानरमा निर्मित ‘घरजम’मा किशोरकुमार लिम्बु र सीताकुमारी तुम्वापोको निर्माण तथा तेज मेन्याङबोको सहनिर्माण रहेको छ ।

Leave a Reply

Your email address will not be published.

स्वास्थ्य
%d bloggers like this: