मुख्य समाचार

वन तथा वातावरण मन्त्री बस्नेत स्पेन प्रस्थान

बुटवल, २३ मंसिर । वन तथा वातावरणमन्त्री शक्तिबहादुर बस्नेत जलवायु परिवर्तन सम्बन्धी राष्ट्रसंघीय सम्मेलन कोप २५० मा सहभागी हुन नेपाली प्रतिनिधिमण्डलको नेतृत्व गर्दै आइतबार राति स्पेन प्रस्थान गर्नु भएको छ । स्पेनको म्याड्रिडमा सुरु सम्मेलनको विशेष सभालाई मन्त्री बस्नेतले बुधबार सम्बोधन गर्ने कार्यक्रम छ । म्याड्रिड उड्नु अघि मन्त्री बस्नेतले नेपालले यस पटक हिमालयमा हिउँ पग्नले क्रम तीव्र रुपमा बढेकाले विश्व तापमानमा प्रत्यक्ष नकारात्मक प्रभाव पारेकोतर्फ सभाको ध्यानाकर्षण गराउने बताउनुभयो ।

साथै यसबाट उत्पन्न विषम परिस्तिथिको सामाना गर्ने सम्बन्धमा योजना प्रस्तुत गर्ने पनि उहाँले जानकारी दिनु भयो । यस्तै सम्मेलनमा नेपालले अधिक कार्बन उत्सर्जन गरिरहेका विकसित देशहरुबाट नेपालजस्ता जलवायु परिवर्तनमा कम योगदान गरिेका अतिप्रभावित गरिब तथा तेश्रो मुलुकले क्षतिपूर्तिस्वरुप पाउनुपर्ने ‘ग्रीन क्लाइमेट फण्ड हरित जलवायु कोष उपलब्ध गराउन लबिङ गर्ने छ ।


advertisement

यस अघि दक्षिण अमेरिकी देश चिलीको सान्टियागोमा तय भएको कोप–२५ त्यहाँको सरकारले विषम राजनीतिक परिस्थितिका कारण व्यवस्थापन गर्न असक्षम रहेको बताएपछि स्पेन सारिएको हो ।मंसिर १६ मा सुरु भएर २७ सम्म चल्ने सम्मेलनमा विश्वका १ सय ९७ देशका राष्ट्र तथा सरकार प्रमुख, वातावरण मन्त्रीहरुका साथै जलवायु परिवर्तनका क्षेत्रमा क्रियाशिल संघसंस्थाका प्रतिनिधि सहभागी छन् । मन्त्री बस्नेत सम्मेलनमा सहभागी भएर आउँदो २९ मंसिरमा स्वदेश फर्कने कार्यक्रम छ ।

Leave a Reply

Your email address will not be published.

स्वास्थ्य
%d bloggers like this: