बुर्किना फासोमा ३५ सर्वसाधारण ८० हमलाकर्ताको मृत्यु हुने गरी पाँच वर्ष यताकै ठूलो चरमपन्थी हमला

meropati

काठमाडौ,९ पुस । बुर्किना फासोमा भएको चरमपन्थी हमलामा ३५ सर्वसाधारणको मृत्यु भएको छ । सुरक्षाबल र चरमपन्थीको दोहोरो मुठभेडमा ३५ सर्वसाधारण र ८० हमलाकर्ता मारिएको बताइएको छ । देशका राष्ट्रपति रोच मार्क काबोरले यसबारे जानकारी दिएका हुन् । अफ्रिकी देश बुर्किना फासोमा थुप्रै चरमपन्थी संगठन सक्रिय छन् र त्यहाँ रत्तपातपूर्ण घटना थुप्रै पटक भइसकेका छन् ।

चरमपन्थी हमलामा ३५ को मृत्यु



राष्ट्रपतिले यो ठूलो चरमपन्थी हमलाको जानकारी ट्वीटरमा दिएका छन् । सुरक्षा बलसँगको मुठभेडमा ३५ सर्वसाधारणको मृत्यु भएको छ । मृतकमा धेरैजसो महिला छन् । बुर्किना फासोको सेनाले अरबिन्दा शहरमा एका बिहानै भएको उक्त चरमपन्थी हमलामा सुरक्षाबलका आठ जवान मारिएका छन् । मिडिया रिपोर्टमा यसलाई पछिल्लो पाँच वर्षमा भएको सबैभन्दा ठूलो चरमपन्थी हमला बताइएको छ ।

‘सेनाका ८ जवान पनि हमलामा शहीद’

सेनाको तर्फबाट जारी बयानमा भनिएको छ, ‘यो कायरतापूर्ण हमलामा आठ जवान शहीद भएका छन् । मारिएका व्यक्तिमा धेरैजसो महिला छन् र कूल ३५ को ज्यान गएको छ । सुरक्षा बलका हाम्रा जवानले चरम पन्थीहरु सँग पूर्ण साहस सहित सामना गरे । हामी आफ्ना नागरिक र जवानका लागि मनैबाट समवेदना प्रकट गर्छौं ।

देशका राष्ट्रपतिले चरमपन्थी हमला पछि २ दिनको राष्ट्रिय शोकको घोषणा गरेको छ । अहिलेसम्म कुनै पनि चरमपन्थी संगठनले हमलाको जिम्मेवारी लिएको छैन । अनुसन्धान एजेन्सीले घटनाबारे अनुसन्धान भइरहेको जानकारी दिएको छ ।

Leave a Reply

Your email address will not be published. Required fields are marked *

%d bloggers like this: