इरानमा कोरोनाबाट ब‍च्‍न विषाक्त मदिरा सेवन गर्दा २७ जनाको मृत्यु

meropati

तेहरान, २७ फागुन । इरानको खुजेस्तान र अलब्रोज प्रान्तमा नोभेल कोरोना भाइरसको संक्रमणबाट बच्‍न विषाक्त मदिरा सेवनका कारण २७ जनाको मृत्यु भएको इरानी समाचार संस्थाले जनाएको छ ।

“अवाजका नागरिकले अल्कोहल पिउँदा कोरोना भाइरसको संक्रमण नहुने सुनेपछि उनीहरुले कोरोनाबाट बच्‍न अत्यधिक अल्कोहल सेवन गरेका थिए,” अवाज विश्वविद्यालयको चिकित्सा विज्ञानका प्रवक्ता अली इशानपउरले बताएको मेहर समाचार संस्थाले जनाएको छ ।



इरानमा नोभेल कोरोना भाइरस अर्थात कोभिड-१९ को प्रकोप बढ्दै गएपछि सामाजिक सञ्‍जालमा कोरोनाबाट बच्‍ने अवैज्ञानिक उपचार पद्धति र भ्रमात्मक स्वास्थ्य सुझावहरु फैलाइएका थिए । जसमध्ये मदिरा सेवन पनि एक थियो ।

यद्यपि इरानमा मदिरामा प्रतिबन्ध लगाइए पनि केहीले औधोगिक कार्यका लागि प्रयोग गरिने विषाक्त मदिरा पिएको जनाइएको छ ।

खुजेस्तानमा कोरोना संक्रमितको संख्या ७३ पुगेको छ । विषाक्त मदिरा सेवनका कारण २१८ जनालाई इरानका विभिन्‍न अस्पतालमा लगेर उपचार भइरहेको छ । जसमध्ये एकजना दृष्टीविहीन भएका छन् भने अन्य केहीको अवस्था गम्भीर छ ।

इरानमा हालसम्म कोरोना संक्रमणबाट २३७ जनाको मृत्यु भएको छ भने सात हजार १६१ कोरोना संक्रमित छन् । – एबीसी न्युज

Leave a Reply

Your email address will not be published. Required fields are marked *

%d bloggers like this: