नेपालमा एकैदिन ७६ जनाकाे काेराेना परीक्षण, सबैकाे नतिजा नेगेटिभ (भिडियाेसहित)

meropati

काठमाडौं, १७ चैत। नेपालमा पछिल्लाे समय काेराेना भाइरसकाे आशंकामा आइसाेलेसनमा रखेर उपचार गरिएका बिरामीहरूकाे मृत्यु क्रम बढेपछि त्रासकाे वातावरण बनेकाे छ ।

आइतबार बुटवालमा आइसाेलेसनमा उपचाररत युवाकाे मृत्यु भएपछि काेराेनाकै कारण मृत्यु भएकाे हुनसक्ने भनेर स्थानीयमा एककिसिमकाे त्रास पैदा भएकाे थियाे । तर मृतककाे नमुना परीक्षण क्रममा उनमा काेराेना संक्रमण नरहेकाे पाइएकाे स्वास्थ्य मन्त्रालयले जनाएकाे छ ।



यसैगरी साेमबार मात्र काठमाडाैंमा ३ जनाकाे आइसाेलेसनमा उपचार गराइरहेकै अवस्थामा मृत्यु भयाे । काेराेना आशंकामा उपचार भइरहेकाहरूकाे मृत्यु भएपछि त्रास बढ्नु स्वाभाविकै भए पनि परीक्षण रिपाेर्ट नआउन्जेल त्रसित बन्नु नपर्ने बताउँछन्- स्वास्थ्य मन्त्रालयका प्रवक्ता डा. विकास देवकाेटा ।

साेमबार पाटन र वीर अस्पतालमा निधन भएका ३ जनाकै नमुना संकलन गरी जाँच सुरु गरिएकाे देवकाेटाले बताए । साेमबार फेसबुक लाइभमार्फत काेराेनासम्बन्धी अपडेटेड विवरण दिँदै प्रवक्ता डा. देवकोटाले परीक्षण रिपोर्ट आएपछि साेबारेमा जानकारी दिइने बताए ।

उनले भने– ‘वीरमा निधन भएकामध्ये १ जना ज्‍वराेसहित  ब्लडप्रेसर र डायबिटिजका बिरामी तथा अर्का ज्‍वराेका बिरामी रहेको पाइएको छ, दुवैको थ्रोट स्वाब परीक्षण हुँदै छ ।’ यसैगरी उनले बुटवलमा आइसोलेसनमा मृत्यु भएको व्यक्तिको कोरोना परीक्षण नेगेटिभ आएको पनि जानकारी गराए ।

कन्ट्याक्ट ट्रेसिङ जारी

मिडिया ब्रिफिङमार्फत प्रवक्ता डा. देवकोटाले कोरोना भाइरसको पोजिटिभ केस आएकाहरुको ‘कन्ट्याक्ट ट्रेसिङ’ भइरहेको जानकारी गराए ।

उपचारमा रहेका ४ जना संक्रमितले भेटेका व्यक्तिको पहिचान गर्ने काम भइरहेको बताउँदै नजिकका परिवारका सदस्य तथा आफन्तहरुका हालसम्म गरिएको परीक्षण नेगेटिभ आएको उनले जनाए ।

विदेशबाट आएका ४१ हजार १ सय ४४ जना नेपाली नागरिकको ट्रेसिङ गरिएको उनले जानकारी दिए ।

चीनबाट ल्याएका मेसिनकाे टेस्‍ट भइसक्याे

चीनबाट ल्याइएका मेसिनकाे टेस्‍ट भइसकेकाे बताउँदै प्रवक्ता डा. देवकोटाले ती स्वास्थ्य सामग्री प्रदेशमा वितरण समेत सुरु भएको बताए । उनका अनुसार आजै सुर्खेत र विराटनगरमा विमानबाट मास्क र पिपिईलगायतका सामान पठाइएको छ भने अन्य प्रदेशमा गाडीमार्फत सामान पठाइने छ ।

चीनबाट ल्याएका मेसिनबाट धनगढी, बुटवल र विराटनगरमा कोरोना परीक्षण सुरु गरिएकाे देवकोटाले बताए ।

देशभरमा ९३ जना आइसाेलेसनमा

स्वास्थ्य मन्त्रालयले देशभरमा ९३ जनालाई आइसोलेसनमा राखेर उपचार गरिरहेकाे जनाएकाे छ । प्रवक्ता डा देवकोटाले प्रदेशहरुबाट हालसम्म २ सय १७ जनाको कोरोना भाइरसकाे संक्रमण भए/नभएकाे परीक्षणका लागि नमुना संकलन गरिएको जानकारी दिए । तीमध्ये केहीको परीक्षण भई रिपाेर्ट आइसकेको र केहीको आउने क्रममा रहेकाे उनले बताए ।

साेमबार एकैदिन ७६ जनाकाे परीक्षण

कोरोना भाइरसको संक्रमण भए/नभएकाे पुष्टि गर्न नमुना परीक्षण गर्ने क्रममा सोमबार एकैदिन ७६ जनाको परीक्षण गरिएकाे सरकारले जनाएकाे छ ।

स्वास्थ्य तथा जनसंख्या मन्त्रालयकाे तथ्यांकअनुसार सोमबार परीक्षण गरिएका सबैकाे नतिजा नेगेटिभ आएकाे छ । नेपालमा साेमबारसम्म ९ सय ९३ जनाकाे परीक्षण गरिएकामा ९ सय ८८ जनाकाे नतिजा नेगेटिभ आएकाे छ भने ५ जनामा काेराेना संक्रमण पाेजेटिभ देखिएकाे छ ।

५ जना संक्रमितमध्ये सुरुमा संक्रमित भएका १ जना निको भएर घर फर्किसकेका छन् भने ४ जनाको उपचार जारी छ ।

Leave a Reply

Your email address will not be published. Required fields are marked *

%d bloggers like this: