कोरोनाको संक्रमण फैलिन नदिन सेल्फ आइसोलेसन जरुरी छ: निको भएर डिस्चार्ज भएकि विरामी

meropati

शुरूमा कोरोना संक्रमण भएको कसरी थाहा पाउनु भयो ?
मलाई टेस्ट गर्ने समयमा लक्षणहरु देखिएको थिएन । फ्रान्सबाट घर आइसकेपछि म कडा आइसोलेसनमा थिए । तर म घर आएको चौथो दिनमा मसँगै पढ्ने एक जना साथीलाई मलाई कोभिड १९ को संक्रमण देखियो भनेपछि म परीक्षण गराउन आएकी हुँ । म पनि परीक्षण गरौं न त भनेर आउँदा लक्षणहरु पनि देखिएको थिएन । २ दिनपछि नतिजा आउँदा कोरोना पोटिजिभ देखिएको भन्ने थाहा पाएँ । र यसै गरी म नेपालको दोस्रो केस भएँ भन्ने थाहा पाएँ ।

अस्पतालमा कति दिन बस्नु भयो ?
२७ दिन भयो ।



अस्पतालमा बस्दा कस्तो अनुभव रह्यो । डाक्टर र नर्सहरुको व्यवहार कस्तो पाउनु भयो ?
पहिलो कुरा त मलाई रिपोर्ट आउने वित्तिकै यहाँका डाक्टरहरूले घरमै एम्बुलेन्स पठाउनु भएको थियो । त्यो निकै इफेक्टिभ भएको थियो । डाक्टर अनुपलगायतले नै मलाई तिमी चिन्ता नलेउ भन्नु भएको थियो, यु विल बि अलराइट भनेर भन्नु भएको थियो । त्यसपछि सबै जनाले प्रोफेशनल मात्रै होइन व्यक्तिगत रुपमा पनि मलाई हेर्नु भएको छ । जहिले पनि ठीक हुन्छौं भन्नु भएको थियो । डाक्टर सागरराज भण्डारी र डाक्टर  अनुप बास्तोलाप्रति धन्यवाद भन्न चाहन्छु ।

यहाँ बस्दा, उपचारको सिलसिलामा केही कमी महसुस भयो कि भएन ?
एक पटक मलाई कफ हुँदा खेरी डाक्टर अनुपलाई भने त्यसको ४/५ मै मेरो छातीको एक्सरे पनि भइसकेको थियो । त्यसैले कुनै पनि प्रकारको कमी भएको मैले पाइन् । त्यस्तो अनुभव भएन ।

संक्रमण भएपछि शरीरमा के असजिलो हुँदो रहेछ ?
म अस्पतालमा भर्ना भएको १/२ दिनपछि मात्रै लक्षणहरु देखिन थालेको थियो । शुरुमा श्वास फेर्न अप्ठ्यारो भएको थियो । पेटमा दुखेको थियो भने खोकी पनि थियो । मुख्यरुपमा त्यही नै थियो ।

निको भएर घर जाँदै हुनुहुन्छ, सरकारले कोभिड १९ फैलिन नदिन पनि प्रयास गरिरहेको छ । सरकारलाई के भन्न चाहनुहुन्छ ?
मुख्यकुरा त म नेपाल आउने वित्तिकै आइसोलेसनमा बसेको भएर फैलिन पाएन । तर अहिले धेरै मानिसहरु सरकारले भने अनुसार आइलेसनमा पुग्न पाउनु भएको छैन । मसँग जति सुविधा पाउनु भएको छैन होला । तर सरकारले यसका लागि धेरै काम गरेको छ । त्यसैले सरकारले उहाँहरुलाई आइसोलेसनमा राख्न प्रयास गर्नुपर्छ भन्न चाहन्छु ।

मानिसहरु के कुरामा सचेत हुनुपर्छ जस्तो लाग्छ ?
कोरोना संक्रमण फैलिन नदिन सेल्फ आइसोलेसन महत्वपूर्ण हो भन्ने लाग्छ । म पनि आइसोलेसनमा बसेको भएर कोरोना भाइसर फैलिन पाएन । त्यसैले यो महत्वपूर्ण हो भन्न चाहन्छु ।

म सेल्फ आइसोलेसनमा नबसेको भए मेरो परिवारमा फैलिन्थ्यो र त्यहाँबाट अरुलाई फैलन सक्थ्यो । त्यसैले सेल्फ आइसोलेसन एकदमै जरुरी छ । यदी तपाईरु बाहिरबाट आउनु भएको हो भने सरकारले परीक्षणको सुविधा छ गरिदिनु होला । साथै मिडियाले पनि महामारीको बेलामा कोरोना भाइरस सम्बन्धि स्टिग्मा सिर्जना नगरौं भन्न चाहन्छु । मिडियोको महत्व अत्यन्तै छ । मेरो विषयमा पनि नकारात्मक पोस्टहरु आएको थियो । त्यस बेलामा सत्य कुरा लेख्नुहुनेलाई म धन्यवाद भन्न पनि चाहन्छु ।

जसलाई रोग लागेको छैन, उहाँहरुले के गर्यो भने संक्रमण हुँदैन ? के सल्लाह दिनुहुन्छ ?
आफू नै सुरक्षित हुनुपर्छ । मास्क लगाउनुपर्छ, पञ्जा, चश्मा पनि लगाउनुपर्छ । अनावश्यक हिँडडुल पनि नगरौं भन्न चाहन्छु ।

अहिले अन्य संक्रमित नेपालीहरु पनि हुनुहुन्छ, तपाई निको भएर अहिले कन्फिडेन्स पनि देखिनु भएको छ ? संक्रमितहरुलाई के अस्पतालमा बस्दा के गर्ने सल्लाह दिनुहुन्छ ?
सबैभन्दा पहिले त धैर्यतामा बस्नहोला । मेरो पनि एकैपटक निको भएको होइन । लगातार परीक्षणपछि नेगेटिभ आएको हो । मनलाई अत्याउँछ । श्वास फेर्न गाह्रो हुने भएकाले गाह्रो हुन्छ तर आत्मबल बढाउनुपर्छ । निको हुन्छ ।

भविष्यको योजना के छ ?
म अहिले निको भएकी छु । शरीरको प्लाज्मामा अझै एन्टिबडी छ । आशा छ कि भविष्यमा कोहीलाई पनि नहोस भन्ने कामना गर्छु साथै कोही सिरियस बिरामी हुनु भयो भने उहाँहरुलाई मैले डोनेट गरेको प्लाज्माले सहयोग गरोस भन्न चाहन्छु । जो निको हुनुहुन्छ उहाँलाई पनि प्लाज्मा दिएर सहयोग गरौं भन्न चाहन्छु ।

(उपचारपछि निको भइ घर फर्कने क्रममा नेपाल टेलिभिजनसँग गरेको कुराकानी)

Leave a Reply

Your email address will not be published. Required fields are marked *

%d bloggers like this: