बलिउडका अर्का हस्ती ऋषि कपूरको मुम्बई अस्पतालमा मृत्यु, अमिताभ बच्चनले भने – म भाँचिएको छु

meropati

एजेन्सी, १८ बैशाख । बलिउड अभिनेता ऋषि कपूरको हिजो राती निधन भयो । उनकाे स्वास्थ्य स्थिति खराब भएपछि अस्पतालमा भर्ना गरिएको थियो । अभिनेता  अमिताभ बच्चनले ऋषि कपूरको निधनको बारेमा जानकारी दिएका छन्।

उनको ६७ वर्षको उमेर बिहीबार बिहान निधन भएको हो । यसअघि बुधबार मात्रै अभिनेता इरफान खानको निधन भएको थियो । बलिउडले लगातार दुई हस्ती गुमाएको हो ।



स्वास्थ्यमा समस्या देखिएपछि उनलाई मंगलबार मुम्बईको एचएन रिलायन्स फाउन्डेसन अस्पतालमा भर्ना गरिएको थियो । ऋपि कपूरका दाइ रणधीर कपूरले उनको निधनको पुष्टि गरेका हुन् । उनी क्यान्सर रोगबाट पीडित थिए ।

कपूर गएको सेप्टेम्बरमा अमेरिकामा क्यान्सरको उपचार गराएर फर्किएका थिए । उनी क्यान्सरको उपचारका लागि अमेरिकामा एक वर्ष बसेका थिए । गएको फेब्रुअरीमा उनको स्वास्थ्यमा पुनः समस्या देखिएको थियो ।

क्यान्सरसँग जुधिरहेका उनलाई स्वासप्रस्वासमा पनि समस्या भएकाले मंगलबार अस्पताल भर्ना गरिएको दाइ रणधीरले बताएका थिए ।

ऋषि कपूरले सन् १९७३ मा बबी चलचित्रबाट आफ्नो अभिनय यात्रा सुरु गरेका थिए । उनले बालकलाकारका रुपमा श्री ४२० र मेरा नाम जोकर चलचित्रमा काम गरेका थिए ।

ऋषि कपूरका छोरा रणवीर कपूर बलिउडका हालका स्टार अभिनेता हुन्।

अस्पतामा अन्तिम सास लिँदै गर्दा उनको वरिपरी श्रीमती नीतु कपूर तथा छोरा रणवीर र छोरी रिद्धिमासहित परिवारका सदस्य रहेको जनाइएको छ ।

उनको अन्तिम चलचित्र इमरान हाशमीसँगको द बडी हो । उनी अभिनेत्री दीपिका पादुकोणसँग उनी हलिउड चलचित्र द इन्टर्नको हिन्दी रिमेकमा काम गर्ने तयारी थिए ।

उनको निधनप्रति गम्भीर दुःख व्यक्त गर्दै अभिनेता अमिताभ बच्चनले आफू ‘क्षतविक्षत’ भएको उल्लेख गरेका छन् । बच्चनले ट्वीट गरेका छन्, ‘उनी गए…ऋषि कपूर…गए…भर्खरै बिदा भए.. म खण्डित भएँ ।’

https://twitter.com/SrBachchan/status/1255709029336322048?ref_src=twsrc%5Etfw%7Ctwcamp%5Etweetembed%7Ctwterm%5E1255709029336322048&ref_url=https%3A%2F%2Faajtak.intoday.in%2Fstory%2Fbollywood-actor-rishi-kapoor-death-hospitalised-amitabh-bacchan-tweet-tmov-1-1185934.html

Leave a Reply

Your email address will not be published. Required fields are marked *

%d bloggers like this: