काठमाडौं उपत्यकामा ४४ सहित ३३८ जना कोरोना संक्रमित थपिए

meropati

काठमाडौं, २६ साउन । नेपालमा कोरोना भाइरसबाट मृत्यु हुनेको संख्या ७९ पुगेको छ ।

पछिल्लो २४ घण्टामा थप चारजनाको मृत्यु भएसंगै मृतकको संख्या ७९ पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वोर गौतमले बताउनुभयो ।



यसैगरी नेपालमा कोरोना संक्रमितको संख्या २३ हजार ३ सय १० पुगेको छ । पछिल्लो २४ घण्टामा ३३८ जना संक्रमित थपिएको मन्त्रालयका प्रवक्ता डा. गौतमले जानकारी दिनुभयो ।

थपिएकामा काठमाडौं उपत्यकाका ४४ रहेका छन् । तीमध्ये काठमाडौंका ३६ तथा ललितपुर र भक्तपुरका ४–४ जना हुन् । पछिल्लो २४ घण्टामा एक सय ४० जना कोरोना संक्रमण मुक्त भएका छन् । अहिलेसम्म संक्रमण मुक्त हुनेको संख्या १६ हजार ४ सय ९३ पुगेको मन्त्रालयका प्रवक्ता गौतमले जानकारी दिनुभयो ।

पछिल्लो २४ घण्टामा ८ हजार ४ सय ३२ वटा पिसिआर परीक्षण भएको मन्त्रालयले जनाएको छ । अहिले १० हजार ७ सय ५९ जना क्वारेन्टिनमा र ६ हजार ७ सय ३८ जना आइसोलेसनमा रहेका छन् ।

Leave a Reply

Your email address will not be published. Required fields are marked *

%d bloggers like this: