Uncategorized

कीर्तिपुरमा अधिबेशन गराउने जिम्मा तेजेन्द्र पाण्डेलाई ।

 

काठमाडौ, ४ असोज । नेपाली काङ्ग्रेसको १४ औ महाधिवेशनका लागि असोज ५ गते मङ्गलबार काठमाडौ जिल्लामा हुन लागेको वार्ड अधिबेशन अन्तरगत किर्तिपुर क्षेत्रमा अधिबेशन गराउने जिम्मा अधिबक्ता तेजेन्द्र समशेर पाण्डे लाई दिइएको छ । किर्तिपुर नगरपालिकाको वार्ड नम्बर ४ मा अधिबेशनका लागि मतदान अधिकृतको जिम्मा अधिबक्ता पाण्डे लाई दिइएको काठमाडौ जिल्लाका निर्वाचन अधिकृत बरिष्ठ अधिबक्ता नरहरी आचार्यले जानकारी गराउनु भयो ।


advertisement

मङ्गलबार काठमाडौ जिल्ला बाहेक वार्ड अधिबेशन गर्न बाकी रहेका
सिन्धुपाल्चोक, काभ्रेपलाञ्चोक, बाजुरा, कपिलवस्तु, बर्दिया र मोरङ्ग जिल्लामा पनि अधिबेशन हुदैछ ।

नेपाली काङ्ग्रेसले २० जिल्लाको वडा अधिवेशन यही असोज ५ गते एकै दिन हुने गरी कार्यतालिका निर्धारण गरेको थियो । बाँकी १३ जिल्लाको क्रियाशील सदस्यता विवरण समयमै समितिलाई प्राप्त हुन नसकेका कारण ती जिल्लामा भने वडा अधिवेशन निर्धारित समयमा नहुने देखिएको छ ।

कांग्रेसले यसअघि ५७ जिल्लामा वडा अधिवेशन सम्पन्न गरिसकेको छ । वडा अधिवेशन भने गत भदौ १८ गतेदेखि नै प्रारम्भ भएको हो ।

कांग्रेसले महाधिवेशन अन्तर्गत गाउँपालिका/नगरपालिकाको अधिवेशन यही असोज ९ गते, प्रदेशसभा क्षेत्रीय अधिवेशन असोज १२ गते र प्रतिनिधिसभा क्षेत्रीय अधिवेशन/एक मात्र प्रतिनिधिसभा निर्वाचन क्षेत्र भएको जिल्ला अधिवेशन असोज १५ गते गर्ने गरि मिति तोकेको छ । त्यस्तै एकभन्दा बढी प्रतिनिधिसभा निर्वाचन क्षेत्र भएको जिल्लामा जिल्ला अधिवेशन असोज १८ गते, ७ प्रदेशको अधिवेशन कात्तिक १० देखि १२ गतेसम्म र केन्द्रीय महाधिवेशन आगामी मङ्सिर ९ देखि १३ गतेसम्म काठमाडौमा गर्ने निर्णय गरिसकेको छ ।

Leave a Reply

Your email address will not be published.

स्वास्थ्य
%d bloggers like this: