कोरोनाबाट एकैदिन ३ जनाको मृत्यु, ४४४ संक्रमित थपिएः ३०७ जना संक्रमित निको

काठमाडौं । नेपालमा थप ४४४ जनामा कोरोना संक्रमण पुष्टि भएको छ ।

देशभर गरिएको एकहजार ९९६ पीसीआर परीक्षणमा २११ जना र दुईहजार ९५८ एन्टिजेन परीक्षणमा २३३ जनामा कोरोना संक्रमण पुष्टि भएको हो ।

कोरोनाका कारण थप तीनजनाको मृत्यु भएको छ । त्यस्तै, थप ३०७ जना संक्रमित निको भएका छन् ।

हाल नेपालमा चारहजार १९९ सक्रिय संक्रमित आइसोलेसनमा रहेको मन्त्रालयले जनाएको छ ।