एमालेले कम्तीमा १५० सिट जित्ने ओलीको दाबी

Khabar Khurak
Khabar Khurak १५ भाद्र २०७९, बुधबार
1 Min Read
Aa

नेकपा एमालेका अध्यक्ष केपी शर्मा ओलीले मंसिरको निर्वाचनमा कम्तीमा १५० सिट जित्ने दाबी गरेका छन् । बुधवार कञ्चनपुरमा भएको पार्टी कार्यक्रममा बोल्दै अध्यक्ष ओलीले प्रतिनिधि सभातर्फ प्रत्यक्ष र समानुपातिक तर्फ गरेर १५० सिट एमालेले जित्ने दाबी गरेका हुन् ।

आउँदो निर्वाचनमा एमालेले प्रत्यक्ष र समानुपातिकतर्फ कम्तीमा १५० सिट जित्छ’, उनले भने, ‘दुनियाँ आश्चर्यचकित हुनेछ ।’ अध्यक्ष ओलीले एमालेले अरूका बलमा र अरूका पैसा छरेर नभई जनताले भोट खसालेर जित्ने समेत बताए । उनले गठबन्धनलाई दुष्टको संज्ञा दिँदै पराजित गर्नुपर्ने भएकाले नेता कार्यकर्तालाई चित्त नदुखाई अनुशासित भएर अघि बढ्न निर्देशन दिए ।

अध्यक्ष ओलीले प्रधानमन्त्री शेरबहादुर देउवाले उहिलेदेखि सांसद भएर र ५ वर्ष प्रधानमन्त्री भएर के गर्नुभयो ? भन्दै प्रश्न गरे । पहिलो पल्ट पल्लो जिल्लामा घरसर किनेर सिँगार पटार गरेको र यसपल्ट व्युटिपार्लर नै खोल्ने हो कि भन्दै देउवालाई व्याङ्ग्य समेत गरे ।

प्रतिक्रिया दिनुहोस्