आज देशभरको मौसममा आंशिकदेखि सामान्य बदली रहेको मौसम पूर्वानुमान महाशाखाले जनाएको छ । जसका प्रभावले गण्डकी, लुम्बिनी र सुदूरपश्चिम प्रदेशका एक-दुई स्थानमा चट्याङसहित हल्का वर्षा भइरहेको छ।
आज दिउँसो देशका पहाडी भू-भागका केही र बाँकी भू-भागका थोरै स्थानहरूमा चट्याङ सहित हल्का देखि मध्यम वर्षाको सम्भावना रहेको छ। लुम्बिनी, गण्डकी र सुदूरपश्चिम प्रदेशका एक-दुई स्थानमा चट्याङ सहित भारी वर्षाको पनि संभावना रहेको छ। राती लुम्बिनी र गण्डकी प्रदेशका थोरै र प्रदेश १,मधेश प्रदेश र सुदूरपश्चिम प्रदेशका एक-दुई स्थानमा चट्याङ सहित भारी वर्षाको पनि सम्भावना रहेको छ।
भारी वर्षाका कारण पहाडी तथा भिरालो जमिनमा पहिरो तथा गेग्रान बहावको जोखिम रहनुको साथै सडक तथा हवाई यातायातमा सामान्य प्रभावको सम्भावना रहेको भएकोले आवश्यक सतर्कता अपनाउन महाशाखाले अनुरोध गरेको छ।
पछिल्लो ३ घण्टामा देशको लुम्बिनी प्रदेशका धेरै स्थान र बाँकी प्रदेशका थोरै स्थानमा स्थानहरुमा हल्का देखि मध्यम वर्षा भैरहेको छ। साथै लुम्बिनी प्रदेशको नवलपरासी, दाङ्ग तथा आसपासका क्षेत्रहरुमा भारी वर्षा पनि भैरहेकोले आवश्यक सतर्कता अपनाउनहुन अनुरोध छ । @NDRRMA_Nepal pic.twitter.com/nm3W85TGhT
- Advertisement -
— Nepal Weather Forecast (@DHM_Weather) September 15, 2022
प्रतिक्रिया दिनुहोस्