निगमद्वारा पाँच चिनियाँ विमान बिक्रीको टेन्डर आह्वान

काठमाडौं । नेपाल वायुसेवा निगमले पाँच चिनियाँ विमान बिक्री गर्नको लागि टेन्डर आह्वान गरेको छ ।

निगमले गत मंगलबार एक सूचना जारी गर्दै  २ वटा एमए–६० र ३ वटा वाई १२ विमान बिक्रीका लागि टेन्डर आह्वान गरेको हो ।

यसअघि निगमले उक्त जहाजहरू भाडामा चलाउनको लागि टेन्डर आह्वान गरेको थियो । दुवैपटक टेन्डर नपरेपछि बिक्री गर्नको लागि टेन्डर आह्वान गरेको निगमले जनाएको छ ।

निगमले २ थान एमए ६० तथा ४ थान वाई १२ ई विमान प्राप्तिका लागि नेपाल सरकार, अर्थ मन्त्रालयसँग २०७० साल ११ महिना १४ गते सहायक ऋण सम्झौता भएको थियो ।