प्रतिलिटर १४ रुपैयाँले दूधको मूल्य बढाउन किसानको माग

खबर खुराक
खबर खुराक १८ पुष २०७९, सोमबार
1 Min Read
Aa

काठमाडौँ ।  लागत बढेको भन्दै चितवनका किसानले दुधको मूल्य बढाउन माग गरेका छन् । उनीहरुले प्रतिलिटर १४ रुपैयाँले मूल्य बढाउन सरकारसँग माग गरेका हुन् ।

राष्ट्रिय व्यावसायिक पशुपालन तथा दूध उत्पादक कृषक समाजका केन्द्रीय अध्यक्ष आनन्द निउरेले प्रतिलिटर १४ ले किसानले पाउने गरी दूधको मूल्य बढाउनुपर्ने बताएका छन्। दाना चोकर र परालको मूल्य वृद्धिका कारण किसानको लागतसमेत उठ्ने अवस्था नरहेको भन्दै उनले दूधको मूल्य बढ्न नसकेकोले किसान पलायन हुने अवस्था आउने बताए। उनले किसान परिचयपत्रको व्यवस्था र आवश्यकअनुसारको अनुदानको व्यवस्था गर्न माग गरे।

कृषि तथा दुग्ध सहकारीको तथा व्यावसायिक फार्मको भौतिक पूर्वाधारमा राज्यले ८० प्रतिशत अनुदान दिनुपर्छ’, उनले भने, ‘कृषि कर्जालाई थप व्यवस्थित बनाउनुपर्छ ।’

कृषक समाजका सल्लाहकार भगीरथ तिमल्सिनाले दूधको मूल्य राम्रो नभएको र किसानले नाफा अनुदान नपाएकै कारण पशुपालन धरासायी बन्दै गएको बताए । राज्यकै नीतिका कारण किसान दिनप्रतिदिन विदेश पलायन भइरहेको उनको भनाइ छ । नेपालमा २२ लाख घर परिवार दूध उत्पादन गरेर आत्मनिर्भर बनेको समाजले जनाएको छ ।

प्रतिक्रिया दिनुहोस्