जापानमा नेपाली विद्यार्थीको मृत्यु

‘हामी नयाँ वर्ष मनाउन बाहिर गएका थियौं। बिहान कोठामा फर्कंदा ओफुरोमा अनिश नुहाउन लागेजस्तो देखियो तर हलचल नगरेपछि अचेत पायौं। प्रहरी र एम्बुलेन्स बोलायौं,’ अनिशका एक साथीले भने, ‘उनको निधन भइसकेको रहेछ।’

उनको शव अस्पतालमा राखिएको छ। घटनाबारे अनिशका परिवारका सदस्यहरूलाई जानकारी गराइसकिएको छ।

२७ वर्षका अनिश टोकियोस्थित इकेबुकुरोमा बस्दै आएका थिए भने उनले ताकाराजुका भाषा विद्यालयमा पढ्दै आएका थिए।

उनको मृत्युको कारण खुलिसकेको छैन। पोस्टमर्टम रिपोर्ट आएपछि मात्रै मृत्युको कारण खुल्ने बताइएको छ।