प्रिन्स ह्यारीले २ सय ६२ करोड लिए, बिक्रेतालाई घाटाको सम्भावना

खबर खुराक
खबर खुराक २५ पुष २०७९, सोमबार
2 Min Read
Aa

काठमाडौं । बेलायत राजपरिवारका भित्री कुरा पर्दाफास गर्ने प्रिन्स ह्यारीको आत्मकथा ‘स्पेयर’ अमेजनमा बेष्ट सेलर रहेको छ । राजकुमारी डाइना पुत्र प्रिन्स ह्यारीले आफ्ना राज पाठ छोडेर सामान्य नागरिक सरह जिवन बिताइ रहेका छन् ।

प्रिन्स ह्यारीले बाल्यकालदेखि बेलायतको शाही परिवार छोडेसम्मको लागि यसअघि नै मोटो रकम पाइसकेका छन् । पब्लिशिङ हाउस पेङ्गुइनले २ सय ६२ करोड नेपाली रुपैयाँ बराबर उनलाई दिइसकेको छ ।

डेली मेलको रिपोर्ट अनुसार पेङ्गुइनले नाफा कमाउन करिब १७ लाख किताब बेच्नुपर्नेछ। यसका लागि प्रिन्स ह्यारीको किताब अमेरिका र बेलायतमा पनि बेस्ट सेलर बन्नु पर्नेछ । अब पेङ्गुइनले यस सम्झौताबाट लाभ उठाउनका लागि पुस्तकका १३ लाख छापिएका प्रतिहरू बेच्नुपर्ने विज्ञहरू विश्वास गर्छन्। यससँगै ४ लाख ई-बुक पनि बेच्नुपर्नेछ । पुस्तकका अंशहरू लगातार चुहिएर नाफा नोक्सान हुने आशङ्का बढ्दै गएको छ

पेङ्गुइनले राजकुमार ह्यारीसँग ४ वटा किताबका लागि सम्झौता गरेको छ । ‘स्पेयर’ बाहेक बाँकी तीन पुस्तकमध्ये एउटा उनले श्रीमती मेगनसँग मिलेर लेख्ने छन् भने बाँकी दुई पुस्तकमध्ये एउटा नेतृत्व र एउटा मानव कल्याणमा हुनेछ । डेली मेलले प्रिन्स ह्यारीको संस्मरण लेख्ने घोस्ट राइटरलाई १३ करोड रुपैयाँ तिरेको दाबी गरेको छ ।

पुलित्जर अवार्ड जितेका अमेरिकी पत्रकार जेआर मोहरिङगरलाई राजकुमार ह्यारीको घोस्ट राइटरको रूपमा व्याख्या गरिएको छ । घोस्ट राइटर एक व्यक्ति हो जसले अरू कसैको लागि लेख्छ। स्पेयर बाहेक तीन वटा किताबबाट नाफाको सम्भावना पनि निकै कम रहेको विज्ञहरू बताउँछन् । बेलायतको राजपरिवारसँग सम्बन्धित गोप्य कुराहरू जान्नको लागि मानिसहरूले स्पेयर पढ्नेछन्, तर अन्य ३ पुस्तकहरूमा उनीहरूको चासो कम हुनेछ।

बेलायतको समाचार वेबसाइट डेलीमेलसँगको कुराकानीमा एक विज्ञले प्रिन्स ह्यारीले किताब अघि नै धेरै शो र नेटफ्लिक्स डकुमेन्ट्रीमा आफ्नो जीवनसँग सम्बन्धित धेरै जानकारी दिएको बताएका छन् । यस्तो अवस्थामा उनीहरूप्रति जनताको चासो घटेको छ ।

प्रतिक्रिया दिनुहोस्