श्रीलंकासँग भारत एक दिवसीय श्रृंखलामा २६ वर्षदेखि अपराजित

खबर खुराक
खबर खुराक २९ पुष २०७९, शुक्रबार
1 Min Read
Aa

काठमाडौं । भारतले श्रीलंकालाई लगातार दश एक दिवसीय क्रिकेट श्रृंखलामा हराएको छ । भारतले घरेलु मैदानमा भएको तीन खेलको श्रृंखलाको दोस्रो खेल जित्दै एक खेलअघि नै श्रृंखलामाथि कब्जा जमाएको हो ।

इडन गार्डेनमा बिहीबार भएको खेल भारतले ४ विकेटले जितेको हो । पहिलो खेल भारतले ६७ रनले जितेको थियो । अन्तिम खेल आइतबार तिरुवन्तपुरममा खेलिने छ  ।

योसँगै भारतले लगातार १० एक दिवसीय श्रृंखलामा श्रीलंकालाई हराएको हो । भारतीय टिमले पछिल्लो २६ वर्षदेखि हार बेहोरेको छैन । अन्तिम हार भारतले सन् १९९७ मा पाएको थियो ।

बिहीबारको दोस्रो खेलमा २१६ रनको लक्ष्य भारतले ४३.२ ओभरमा ६ विकेट गुमाएर पूरा गर्यो । लोकेश राहुलले अविजित टद्ध तथा हार्दिक पाण्डेयाले ३६ रन बनाए । विराट कोहली २ तथा कप्तान रोहित शर्मा १७ रनमा आउट भए ।

यसअघि श्रीलंकाले ३९.४ ओभरमा अलआउट हुँदै २१५ रन बनायो । नुवानिदु फर्नान्डोले ५० रन बनाएको इनिङ्समा मोहम्मद सिराज र प्लेयर अफ द म्याच कुलदीप यादवले समान ३–३ विकेट लिए ।

प्रतिक्रिया दिनुहोस्