प्रदेश १ को सरकारको न्यूनतम साझा कार्यक्रम तयार, आजै मुख्यमन्त्रीलाई बुझाइने

प्रदेश १ को कुल ग्रार्हस्थ उत्पादनमा ७० प्रतिशत वृद्धि गर्ने लक्ष्य पनि समावेश भएको कार्यदलका संयोजक इन्द्रबहादुर आङ्बोले बताए । प्रदेशको कूल गार्हस्थ्य उत्पादन ७ खर्ब ६३ अर्बमा ७० प्रतिशत वृद्धि गरी १२ खर्ब २० अर्ब पुर्‍याउने लक्ष्य न्यूनतम साझा कार्यक्रममा छ ।

साझा कार्यक्रममा प्रदेशका नयाँ गौरवको आयोजनाहरू प्रारम्भ गर्ने ,रैथाने कृषि उत्पादनलाई अन्तरराष्ट्रिय बजारमा पु¥याउने, पूँजीगत खर्च बढाउने, प्रदेशको राजस्वको वृद्धि गर्ने, सरकारी खर्चमा आत्मनिर्भरता कायम गर्न उच्चस्तरीय राजस्व अध्ययन समितिको निष्कर्ष लागू गर्नेलगायतका विषय छन् ।

साझा कार्यक्रममा ‘समृद्ध किसान प्रदेश १ को शान, आत्मनिर्भर कृषि हाम्रो अभियान’ नारा पनि समावेश गरिएको छ । त्यस्तै ‘ऊर्जामा लगानी, समृद्धिको खानी’, ‘प्रदेश निर्माणको आधार, गुणस्तरीय शिक्षा र शैक्षिक पूर्वाधार’लगायत नारा समावेश गरिएको छ । कार्यदलले आजै मुख्यमन्त्री हिक्मतकुमार कार्कीलाई बुझाउने तयारी गरेको संयोजक आङ्बोले बताए ।