मकवानपुरमा जङ्गली हात्तीले लियो एक पुरुषको ज्यान

मकवानपुरमा जङ्गली हात्तीको आक्रमणबाट गए राति एक जनाको मृत्यु भएको छ। हात्तीको आक्रमणबाट बकैया गाउँपालिका–५ पावसका ५० बर्षीय जनकलाल माझीको ज्यान गएको हो।

जिल्ला प्रहरी कार्यालयका प्रहरी निरीक्षक बलराम श्रेष्ठका अनुसार गए राति ९ बजे घर नजिकै बाख्राखोरमा जाँदै गरेका माझीलाई हात्तीले आक्रमण गरेको हो। गम्भीर घाइते उनको हेटौँडा अस्पतालमा उपचारका क्रममा राति नै निधन भएको श्रेष्ठले जानकारी दिए।