उपराष्ट्रपति निर्वाचनको मतदान सकियो, मतगणना साढे ३ बजेबाट

३ चैत काठमाडौं । बिहान १० बजेदेखि भएको उपराष्ट्रपति निर्वाचनको मतदान प्रक्रिया सकिएको छ।दिउँसो ३ बजेसम्म भएको उपराष्ट्रपति निर्वाचनमामा संघीय संसदको ३३२ मध्ये ३११ मत खसेको निर्वाचन आयोगले जनाएको छ।

राप्रपाका १४, नेमकिपा १, राष्ट्रपति रामचन्द्र पौडेलको १ मत खसेन।

त्यस्तै नेपाली कांग्रेसका नेता तथा सांसद चन्द्र भण्डारी उपचारमा रहेका कारण उनको मत पनि खसेन। ​

जसपा सांसद  सहनाज रहमानको मृत्यु र नेकपा माओवादीका सांसद वर्षमान पुनः पनि बिरामी भएर उपचारमा छन् भने नेकपा एमालेका लक्ष्मी महतो कोइरी फरार छन्।

यसैगरी प्रदेश सभा मतदानअन्तर्गत ५५० मध्ये ५१८ मत खसेको छ।

जहाँ राप्रपाका २८ सांसद र नेमकिपाका ३ सांसद र ​जसपा १ एक जनाले भोट हालेनन्।

मतदान सकिएपछि अहिले मतणणनाको तयारी भइरहेको छ। दिउँसो साढे ३ बजेबाट मतगणना गर्ने तयारी गरिएको निर्वाचन अधिकृतको कार्यालयले बताएको छ।