उपनिर्वाचनका केही तस्बिरहरु

१० वैशाख, काठमाडौं । प्रतिनिधि सभाको उपनिर्वाचन तीनवटै जिल्लामा शान्तिपूर्ण रुपमा भइरहेको छ । तनहुँ १, चितवन २ र बारा २ मा बिहान ७ बजेदेखि मतदान जारी छ ।

दिउँसो घाम हुने भएकाले मतदाताहरु बिहानैदेखि लाइनमा लागेर भोट हालिरहेका छन् । निर्वाचन अधिकृतहरुका अनुसार ज्येष्ठ नागरिक, बिरामी, अशक्त अपांग, किरियापुत्री लगायतलाई लाइनमा नबसी भोट हाल्न पाउने व्यवस्था मिलाइएको छ । प्रहरीले निर्वाचन शान्तिपूर्ण र उत्साहपूर्वक भइरहेको जनाएको छ ।