२६ असार, नयाँ दिल्ली । मुसलधारे वर्षापछि आएको बाढी पहिरोका कारण भारतमा ४४ जनाको ज्यान गएको छ । हिमाञ्चलमा ९, उत्तरप्रदेशमा ६, उत्तरखण्डमा पाँच, जम्मु कश्मीरमा चार, पञ्जाबमा दुई तथा दिल्ली र लद्दाखमा एक/एक जनाको ज्यान गएको भारतीय सञ्चारमाध्यमले जनाएका छन् ।
अविरल वर्षा र बाढीले उत्तर भारतका सात राज्य र केन्द्र शासित प्रदेश दिल्लीमा ठूलो क्षति पुर्याएको छ । हिमाचल, पञ्जाब, जम्मू कश्मीर, उत्तराखण्ड, हरियाणा, राजस्थान र दिल्लीमा सबै ठूला नदीहरू बगिरहेका छन्। पहाडहरू भत्किँदै छन् र सडकहरू बगिरहेका छन्। सोमबार पछिल्लो २४ घण्टामा विभिन्न राज्यमा ४४ जनाको मृत्यु भएको छ । हिमाचलमा २० जनाको मृत्यु भएको छ । अर्कोतर्फ, वर्षा सम्बन्धी घटनामा उत्तर प्रदेशमा आठ जनाको मृत्यु भएको छ।
जम्मू-कश्मीर, हिमाचल र उत्तराखण्डमा राष्ट्रिय राजमार्ग र राज्य राजमार्गहरू सहित ९ सय भन्दा बढी सडकहरू बन्द छन्। हजारौं मानिस सडकमा अलपत्र परेका छन् । दिल्लीमा पनि सोमबार यमुनाले खतराको निशान पार गरेको छ । तराईका क्षेत्रहरू खाली गर्ने काम भइरहेको छ। प्रधानमन्त्री नरेन्द्र मोदीले वरिष्ठ मन्त्रीहरू र अधिकारीहरूसँगको बैठकमा स्थितिको जानकारी लिएका छन्। उनले पीडितलाई सहयोग गर्न आवश्यक सबै उपायहरू गर्न निर्देशन दिए।
प्रतिक्रिया दिनुहोस्