नेप्से परिसूचकमा दोहोरो अङ्कको वृद्धि

३१ असार, काठमाडौं । धितोपत्र बजारमा शेयर कारोबार मापक नेप्से परिसूचक दोहोरो अङ्कले उकालो लागेको छ। चालु आर्थिक वर्षको अन्तिम कारोबार सकारात्मक रहेको छ।

नेपाल स्टक एक्सचेञ्जका अनुसार नेप्से परिसूचक १२ दशमलव १६ अङ्कले उकालो लागेर दुई हजार ९७ दशमलव शून्य नौमा पुगेको छ। ठूला कम्पनीको शेयर कारोबार मापन गर्ने सेन्सेटिभ परिसूचक दुई दशमलव ९० अङ्कले उकालो लागेर तीन सय ९४ दशमलव १५ मा पुगेको छ।

कारोबार भएका कुल १३ उपसमूहमध्ये पाँच उपसमूहको शेयर मूल्य ओरालो लाग्दा आठ उपसमूहको शेयर मूल्यमा भने बढोत्तरी भएको छ। कुल ७१ लाख ८४ हजार दुई सय ५४ कित्ता शेयर रू. दुई अर्ब ३७ कराेड ६४ लाख २७ हजार पाँच सय ७३ बराबरको कारोबार भएको छ।

कारोबारका आधारमा शिवम् सिमेन्ट शीर्षस्थानमा छ। सो कम्पनीको  १९ करोड १३ लाख ११ हजार तीन सय ७२ बराबरको कारोबार भएको छ। हिमालयन लाइफ इन्स्योरेन्स १ करोड ६९ लाख ४५ हजार, माउण्टेन इनर्जी नेपाल नौ करोड ८४ लाख ९१ हजार नौ सय ८०, हिमालयन एभरेष्ट इन्स्योरेन्स सात करोड ६२ लाख ७४ हजार आठ सय पाँच र एशियन लाइफ इन्स्योरेन्स सात करोड ५९ लाख ९८ हजार आठ सय ८१ बराबरको कारोबार भएर शीर्ष पाँचभित्र पर्न सफल भएका छन्।

नेप्सेका अनुसार, सनराइज फोकस्ड इक्विटी फण्ड १०, एनआइबीएल नौ दशमलव ९२, सानिमा ग्रोथ फण्ड नौ दशमलब ९०, सिटिजन म्युचुअल फण्ड नौ दशमलव ८३ र माछापुच्छ्रे« बैंकको ऋणपत्रका लगानीकर्ताले नौ दशमलव ४१ प्रतिशतले कमाएका छन्।

यस्तै, लिबर्टी इनर्जी पाँच दशमलव ९६, मकर जितुमाया सुरी हाइड्रोपावर पाँच दशमलव ८३, मञ्जुश्री फाइनान्स तीन दशमलव ९४, हिमालयन हाइड्रोपावर तीन दशमलव ८६ र कर्पोरेट डेभलपमेन्ट बैंकका शेयरधनीले तीन दशमलव ७१ प्रतिशतले गुमाएका छन्।  रासस