लुम्बिनी प्रदेशमा लम्पी स्किन रोगबाट ५ हजार ६ सय ४६ पशुको मृत्यु

‘रोग नियन्त्रणका लागि हामीले निरन्तर प्रयास गरिरहेका छौं’, उनले भने, ‘धेरै ठाउँमा खोप कार्यक्रम पनि सुरु भइसकेको छ । खोप पाएपछि धेरै चौपाया निको पनि भएका छन् ।’ तर अहिलेसम्म पशु चौपाया मर्नाले १२ करोड ५० लाख बराबरको क्षति भइसकेको उनले बताए ।

यस्तै हाल प्रदेशमा प्रदेशस्तरीय लम्पी रोग नियन्त्रण कार्यदल गठन गरेर रोगको नियन्त्रणको पहल भइरहेको पनि आलमले बताए । प्रदेशमा अहिले ३० लाखभन्दा बढीको औषधि तथा खोप खरिद गरी परिचालन गरिएको निर्देशनालयले बताएको छ । तर, त्यो त्यती प्रभावकारी नदेखिएको किसानको गुनासो छ ।

- Advertisement -

यसैबीच हालसम्म ३८ हजार ७ सय ९३ खोप प्रयोग गर्नुका साथै १ लाख २ हजार ४७६ पशुको उपचार गरिएको छ । त्यसका लागि ६३८ जनशक्ति परिचालन गरिएको जनाइएको छ । स्थानीय तहबाट पनि लम्पी स्किनको खोप लगाउने कार्य भइरहेको छ । यो रोगबाट प्रदेशमा २३ हजार ९ सय २७ पशु निको भएका छन् ।

लम्पी स्किन लागेका पशुबाट ५० प्रतिशतसम्म दूध उत्पादनमा कमी हुने निर्देशनालयले जनाएको छ । जसले गर्दा अहिले प्रदेशमा दैनिक १ करोड ५० लाखको आर्थिक क्षति भइरहेको छ ।