Ad imageAd image

पोर्चुगलमा दुई दिनमा दुई नेपाली युवकको मृत्यु

खबर खुराक
खबर खुराक ३ भाद्र २०८०, आईतवार
2 Min Read
Aa

३ भदौ, लिस्बन । पोर्चुगलमा दुई दिनमा दुई नेपाली युवकको मृत्यु भएको छ। एक युवाले चार तलामाथिबाट हाम फालेर आत्महत्या गरेका छन् भने अर्का नेपाली युवाको राति सुतेकै अवस्थामा निधन भएको छ।

राजधानी लिस्बनस्थित सेतेरियोस बस्दै आएका झापाको गौरादह नगरपालिका–३ का ३१ वर्षीय अजय थापाले बिहीबार साँझ चार तलामाथि घरको झ्यालबाट हामफालेको गैरआवासीय नेपाली संघ पोर्चुगलका अध्यक्ष उमेश खड्काले जानकारी दिए।

वैदेशिक रोजगारीका सिलसिलामा छ वर्षअघि पोर्चुगल आएका थापा पछिल्लो समय खाना डेलिभरी गर्ने कम्पनी उबर इटमा काम गर्दै आएका थिए। परिवारसहित पोर्चुगल बस्दै आएका थापाको शव परीक्षणका लागि लिस्बनस्थित एक अस्पतालको शवगृहमा राखिएको उनले जानकारी दिए।

यस्तै वैदेशिक रोजगारीका सिलसिलामा पाँच वर्षअघि पोर्चुगल आएका बागलुङ जिल्ला बडिगाड गाँउपालिका–१ का २८ वर्षीय टेकबहादुर दर्लामी मगरको सुतेकै अवस्थामा मृत्यु भएको छ। बेजास्थित जम्बुजिरा बस्दै आएका दर्लामीमगरको बुधबार राति सुतेकै अवस्थामा निधन भएको संघका अध्यक्ष खड्काले बताए।

- Advertisement -
Ad image

खड्काका अनुसार राति खाना खाएर सुतेका उनी बिहान नउठेपछि उनका साथीहरू उठाउन जाँदा मगर ओछ्यानमै मृतावस्थामा भेटिएका थिए।
सकुशल सुतेका साथी मृत भेटिएपछि उनीहरूले तत्काल प्रहरीलाई खबर गरेका थिए। मृतक मगर त्यहाँस्थित मारभिल्ला नामक कृषि कम्पनीमा कार्यरत थिए।

उनको शव परीक्षणका लागि बेजा अस्पतालको शवगृहमा राखिएको छ। मगरका वृद्ध बुबाआमा र श्रीमती नेपालमा छन्।

निधन भएका दुवै नेपालीको शव नेपाल पठाउने विषयमा छलफल र आवश्यक तयारी भइरहेको खड्काले बताए।

प्रतिक्रिया दिनुहोस्