साउनदेखि चैतसम्म ८ करोड ७ लाख ६९ हजार रुपैयाँ बराबरको अचार निर्यात
![साउनदेखि चैतसम्म ८ करोड ७ लाख ६९ हजार रुपैयाँ बराबरको अचार निर्यात](https://khabarkhurak.com/wp-content/uploads/2023/05/Authentic_Punjabi_Mango_Picke_In_Mustard_Oil_No_Sun_Method_7-scaled-1.jpg)
२२ वैशाख ,काठमाडौँ । चालु आर्थिक वर्षको साउनदेखि चैतसम्म ८ करोड ७ लाख ६९ हजार रुपैयाँ बराबरको अचार निर्यात भएको छ । चालु आर्थिक वर्षकाे ९ महिनामा १ लाख २९ हजार १ सय किलो अचार निर्यात भएको भन्सार विभागकाे तथ्यांक छ ।
मुलुकबाट अष्ट्रेलिया, बेल्जियम, क्यानडा, हङकङ, इटाली, जापान, कोरिया, बेलायत, अमेरिकामा अचार निर्यात हुने गरेकाे छ । चालु आर्थिक वर्ष सबैभन्दा बढी अमेरिकामा २ करोड ५२ लाख ८५ हजार रुपैयाँ बराबरको ३ लाख ३३ हजार ३९ किलो अचार निर्यात भएको हो । जापानमा १ करोड ६६ लाख ७६ हजार रुपैयाँ बराबरको २५ हजार २११ किलो निर्यात भएको हो ।
गत आर्थिक वर्ष साउनदेखि चैतसम्म कुल २ करोड १४ लाख २४ हजार रुपैयाँ बराबरको ३५ हजार ४२७ किलाे अचार निर्यात भएको थियो । गत वर्ष अष्ट्रेलिया र जापानमा मात्रै अचार निर्यात भएकाे विभागकाे तथ्यांक छ । १ करोड ९० लाख ६५ हजार रुपैयाँ बराबरको ३१ हजार ९७१ किलो अष्ट्रेलियामा र २३ लाख ५९ हजार रुपैयाँ बराबरको ३ हजार ४५६ किलो जापानमा निर्यात भएको थियो ।
प्रतिक्रिया दिनुहोस